Суп варить тег белән яңалыклар

Балык шулпалары

БАЛЫК ШУЛПАСЫ. Иң элек алабуга, юртыш, комкорсак, ташбаш кебек вак балыкларны яхшылап чистартыгыз. Аларны сулы кәстрүлгә салып, таралып бетмәслек итеп, салмак кына утта пешерегез. Ул арада зур балыкны да әрчеп куегыз. Вак балыклар пешкәннән соң, шулпаны сөзеп алыгыз һәм бер баш суган белән эре балыкны салып яңадан кайнатыгыз. Анысы пешкәч, вак балыкларны кәстрүлгә бушатып, бер лимон суы сыгып салыгыз. Аннары барысын бергә кабат кайнатып чыгарыгыз.