Суык белән куышып

Бөтен ил буенча үткән чаңгы ярышында быел 2 меңнән артык лениногорскилы катнашты. Узыш Казанда узачак Универсиада һәм 2014 елда Сочида үтәчәк Олимпиадага багышланган иде. Һава торышы чаңгыда узышу өчен бик уңышлы булды: салкын да булмады, артык җылы да түгел иде. Шуңа Боз сарае тирәсенә халык иртән үк җыела башлады. Ике...

❮

❯

Бөтен ил буенча үткән чаңгы ярышында быел 2 меңнән артык лениногорскилы катнашты. Узыш Казанда узачак Универсиада һәм 2014 елда Сочида үтәчәк Олимпиадага багышланган иде.

---

Һава торышы чаңгыда узышу өчен бик уңышлы булды: салкын да булмады, артык җылы да түгел иде. Шуңа Боз сарае тирәсенә халык иртән үк җыела башлады. Ике дистәдән артык предприятие һәм оешмадан кырыгар кеше катнашты, диде оештыручылар. Алардан тыш, мәктәп укучылары, төрле уку йорты студентлары бар бит әле. Үз оешмаларының логотипларын күрсәткән плакатлар тотып чыгучылар да күренде.

Менә боз сарае яныннан урманга таба салынган чаңгы эзе буйлап чаңгычылар стартка кузгалды. Дистанция шактый - ир-атлар 2 километр, хатын-кызлар 1 километрда узышты. Иң беренче булып, трассага мәктәп укучылары, алардан соң урта һәм югары уку йортлары укучылары, студентлар чыкты. Чаңгычыларны Яшьләр эшләре, спорт һәм туризм идарәсе белгечләре стартка озатты. Укучылар һәм студентлардан соң трасса 35 яшькә кадәрге, аннан 35 яшьтән өлкәнрәк чаңгычылар хозурына бирелде.

- Мин "Чаңгы эзе"ндә җиде яшьтән бирле катнашам. Ел саен әти-әнием белән киләм, быел миңа көч биреп торырга әнием белән абыем килде, - ди 12нче лицейның V сыйныф укучысы Ринат Хөҗиәтуллин. Малайның кәефе күтәренке иде: "Дистанцияне җиңел үттем", - ди ул.

Көч биреп торучылар узышучылардан да күбрәк иде дисәм, ялгышмам. Һәр учреждение, оешма-предприятие җанатарлары "Тизрәк, тизрәк!" дип, йөгерүчеләргә көч-куәт биреп торды. Финишка килгәннән соң, шунда гына урнашкан буфетта кайнар чәй эчеп алу мөмкинлеге бирелгән иде.

Дистанцияне үтеп, стартка килгәннәргә "Россия чаңгы эзе - 2013" дип язылган махсус баш киемнәре бүләк иттеләр.

Чаңгы ярышыннан булган фотоларны "Заман сулышы" сайтына кереп карый аласыз. Адресы "www.zamansulyshy.ru".

Бу мәкаләгә кагылышлы фотоларны сайтыбызның "Фотогалерея" бүлегеннән карый аласыз.

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Оставляйте реакции

0

0

0

0

0