11нче гимназия укучылары Артектан Бөтенроссия Зур Олимпиададан уңышлар белән кайтты

Спорт олимпиадасында Россиянең 58 субъектыннан барлыгы 696 мәктәп укучысы катнашты.

Олимпиада катнашучылары ун спорт программасында һәм ике төр конкурс программасында ярыштылар. Программаның спорт төрләрендә егетләр һәм кызлар командалары арасында җиңүчеләр билгеләнде. Һәр команда егетләр өчен булган спорт программасының 6 төрендә һәм кызлар өчен булган спорт программасының 5 төрендә катнашырга тиеш булган, моннан тыш, «җиңел атлетика» һәм «шахмат» - мәҗбүри.

21 сентябрьдә гомумкоманда зачетында командаларны бүләкләү узды.  Шулай ук самбо ярышлары, футбол буенча җиңүчеләрне һәм призерларны билгеләделәр һәм самбо буенча шәхси беренчелектә иң яхшыларын бүләкләделәр.  

Бүләкләнүче укучылар арасында Лениногорск укучылары да бар иде. Алар берничә төр спорт буенча призлы урыннар алды. Кызлар – городки спортында икенче урын, ә егетләр – компьютер уеннарында икенче, городки спортында 3нче урын алдылар.

Команда зачетында лениногорскилылар – 58 команда арасында 15нче урында. Бу яхшы нәтиҗә.

фото: 11нче гимназиядән