Федотовка мәктәбе укытучысы «Яшел сигналга сәяхәт» республика конкурсында катнашты

Бәйгегә гаризалар 1 мартта кабул ителә башлаган. Быел Татарстанның 27 районыннан 152 эш килгән. Бәйгедә 16 дан 35 яшькә кадәрге иҗатчылар катнашкан.

Федотовка мәктәбеннән укытучы Маргарита Степанова 4-12 яшьлек балалар өчен  поэзия номинациясендә катнашты, шигырь язган һәм катнашучы Дипломы белән бүләкләнгән.

“Финал Казанда мәдәният институтында узды. Безне башта мастер-класска җыйдылар. Шагыйрьләр Рифат Сәлах, Фәнил Гыйләҗев, Алинә Бикмуллина татарча шигырь hэм әкият язу үзенчэлекләре буенча мастер-класс күрсәттеләр. Мастер-классның азагында без - катнашучылар өйрәнүләр буенча хәтта әкият тә язып карадык.  Берничэ шигырь буенча эшләдек, анализладык. Аннан концерт залында финал, ягъни гала-концерт булды. Анда катнашучыларны  котладылар. Чара Казан мәдәният институтының җыр-бию ансамбльләре, баянчылары, хорлары, солистлары, укучы балалары чыгышында матур җырлар, биюләр, халык көйлэре, шигырьлэр белән үрелеп барды”, - дип хис-кичерешләре белән уртаклашты Маргарита Степанова.

Котлыйбыз, уңышлар телибез!