Кирлегәчтә яшәүче Әлфия апа Галимовадан өр-яңа шигырь

Бүген иртә торып тышка чыктым,
Яңа елны эзлим бар җирдән.
Ишек алдында юк, урамда юк,
Сорап карыйм әле күршедән...

Кая соң ул, өр Яңа ел,
Ник күренми тирә-ягымда.
Кичәге кар ята урамнарда,
Барлап чыктым, бар да урынында.

Ничә көннәр көттек Яңа елны, 
Кайда соң ул, әллә килмәгән.
Тик календарь гына сигезледән
Тугызлы санына әйләнгән.

Бер сан өчен шулкадәрле шау-шу,
Чыршы, Кыш бабайлар, Кар кызы.
Күпме котлау, бүләкләр бирештек,
Шушы булдымы бар кызыгы?

Үзгәрмәәәгән бер җир, көндәгечә, 
Тик үзгәрде бугай күңелләр.
Бар нәрсә дә яңача булыр күк, 
Күбәйделәр кебек өметләр.

Әлфия Галимова, 1.01. 2019.

Чыганак:https://vk.com/id339984397