Лениногорск ЗАГС бүлегендә Гаилә көненә багышланган очрашу узды (фотолар)

12 майда Гаилә көне алдыннан Лениногорскиның Никахлашу сараенда 2 мәктәпнең 8нче сыйныф укучылары өчен ЗАГС белгечләре белән очрашу узды.

Очрашу барышында иң беренче урында гаилә темасы, анда очрый торган проблемалар, тулы булмаган гаиләләр, аерылышуның төп сәбәпләре турында сөйләшенде. ЗАГС бүлеге җитәкчесе Елена Миннигалямова укучыларга гаиләнең ни дәрәҗәдә кадерле һәм мөһим икәнлеге турында сөйләде. Укучылар да үз фикерләрен әйттеләр.

Ахырда гаилә учагы символы итеп шәм яндырылды һәм ул төрле матур теләкләр белән кулдан-кулга тапшырылды. Килгән кунаклар очрашу өчен ЗАГС хезмәткәрләренә рәхмәт әйтеп, киләчәктә дә яңадан-яңа очрашуларга өмет белән саубуллаштылар.

Лениногорск ЗАГС бүлеге