Лениногорскидагы авыл хуҗалыгы ярминкәсенә башка районнардан да сату итәргә килгәннәр

Халык бу юлы күбрәк кәбестә, ит һәм сөт продукцияләрен алды.

Шулай ук ярминкәдә сатуда балык продукциясе ассортименты да киң иде.

Ит бәясе 350-360 сумнан сатылды. Лениногорскилылар авылдан килгән ит, свежий бит, дия-дия яратып алды.

Бал продукциясе белән Самара ягыннан килгәннәр.

Районыбыздагы аграр предприятиеләр бодай, солы, арпа саттылар.

Чистай районныннан төрле продукция белән сату итәргә килгәннәр: җиләк-җимеш, балык продукцияләре бар иде.

Район башлыгы Рәгать Хөсәенов ярминкәдәге бәяләр белән танышып чыкты, сатучылар, сатып алучылар белән аралашты.

Розалия Мостафина фотолары