Лениногорскилылар, ачык кое - сак булыгыз!

Шәһәрнең Лермонтов урамы, 23 нче йорт ишегалдындагы кое ачык, аның капкачы коега төшкән. Инде бу хәлгә дүртенче көн. Хасил булган чокырның хуҗасы- Лениногорск җылылык челтәре. Әлеге оешмага өч тапкыр шалтыратып та, килеп караучы күренмәде. Диспетчерга мәсьәләнең җитдилиген аңлата башлагач:

- Сезгә заявка калдырырга кирәк булачак. Аннан соң баш инженер караячак һәм эшкә алыначаклар, - дип аңлатты.

Караңгыда күрмичә төшеп китү куркынычы зур. Бу хакта уйланмыйлар микән?

Җәй көне ремонт эшләре башкарганнан соң, юлны да тиешенчә тигезләп бетермәделәр. Халык моңа да канәгатьсезлек белдерә.