Лениногорскилылар, сез кошларны ашатасызмы?

Кышын кошларны салкыннар түгел, ә ачлык күбрәк куркыта.

Шуңа күрә алар кеше янына елыша, ярдәм өмет итә. Ярый әле, тирәбездә кошларга битараф булмаган кешеләр бар. Үтеп барышлый, Шашин урамы, 60 нчы йорт каршындагы бер агачта пластик шешәдән ясалган җимлек күрдем. Чыпчык-песнәкләрнең чыр-чу килешеп азык чүпләгәннәрен кызыксынып күзәттем. Бер ханым ( үзен Лидия дип таныштырды) чыкты да, җимлеккә тары ярмасы салды. Ул көн дә канатлы дусларын шулай сыйлый икән. Шунда әбинең "Хәер бирергә кеше тапмасаң, җим сип, сәвабы зур" дигәне исемә төште.

Фото һәм текст авторы: Зилә Мөдәррисова