Россия белән Согуд Гәрәбстаны арасында визасыз режим кертелде
Бүген Россия белән Согуд Гәрәбстаны арасында виза таләпләрен гамәлдән чыгару турындагы үзара килешү үз күченә керде.
Хәзер Россия гражданнары Согуд Гәрәбстаны территориясенә визасыз керә һәм ел дәвамында барлыгы 90 көн тора алачак. Россиягә килүче Согуд Гәрәбстаны гражданнары да шундый ук хокукларга ия.
Шул ук вакытта визасыз режим корольлеккә уку, эшләү, озак вакыт яшәү яки хаҗ һәм гомрә кылу өчен килүче россиялеләргә кагылмый. Алар элеккечә виза алырга тиеш, дип кисәттеләр РФ Тышкы эшләр министрлыгында.
Визасыз режим кертү турындагы килешү 2025 елның 1 декабрендә Эр-Риядта узган Россия-Согуд эшлекле форумында төзелгән иде. Документны Россия ягыннан вице-премьер Александр Новак, Согуд ягыннан тышкы эшләр министры принц Фейсал бен Фархан ас-Сауд имзалады.
Фото: © Владимир Васильев, «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев