Сукыр ир янып үлә язган

Янгын сүндерүчеләргә дүрт бүлмәле фатирда янгын чыгуы турында хәбәр керә.

Алар килеп җиткәндә фатирга шактый зыян килергә өлгерә. Баксаң, Чаллыда яшәүче 37 яшьлек сукыр ир әнисе өйдә юкта тәмәке кабызган. Аның очкыннары футболкасына эләккән. Ул аны салып идәнгә ташлаган да тәмәке тартуын дәвам иткән. Ә футболкадагы очкыннар паласка һәм якын-тирәдәге әйберләргә күчкән. Ир янгынны үз көче белән сүндерергә маташкан. Аннары гына беренче каттагы күршеләрен ярдәмгә чакырган. Хәзер фатирга зур ремонт кирәк икән.