Эшсезләр өчен ярминкә

Мәшгульлек үзәгендә исәптә торучы эшсезләр һәм эшләргә теләк белдерүчеләр өчен ярминкә узды.
Анда 28 эш бирүче оешма-предприятие катнашты. 150ләп вакансия арасында ир-атлар өчен машина йөртүче, токарь, слесарь, бораулаучы, электр белән эретеп ябыштыручы, сатучы һәм аш пешерүче иң популярлардан санала. Шәһәребез предприятиеләре, моннан тыш, җыештыручы, аш пешерүче, ашханә хезмәтчәне, тәрбияче кебек хатын-кыз һөнәрләренә дә кытлык кичерә икән. "Вакансияләр ярминкәсенә барлыгы 165 эшсез кеше мөрәҗәгать итте. Шуның 38е эшкә юллама алды",- дип хәбәр итәләр Мәшгульлек үзәгеннән.