ҖӘМГЫЯТЬ
Әлеге мәктәпнең фасады ачык матур төсе белән әллә кайдан күзгә ташланып тора. Бүгенге көндә "Сарет" җәмгыяте төзүчеләре эчке эшләрне башкара: түшәм, стена, идәннәр ясалып, буяп-агартыла.
Лениногорскиның 2 нче мәктәбендә төзелеш эшләре бара
Шәһәребез һәм "Лениногорскнефть" идарәсе юбилейлары уңаеннан төзелүче-ремонтланучы объектлар турында язуыбызны дәвам итәбез. Әлеге мәктәпнең фасады ачык матур төсе белән әллә кайдан күзгә ташланып тора. Бүгенге көндә "Сарет" җәмгыяте төзүчеләре эчке эшләрне башкара: түшәм, стена, идәннәр ясалып, буяп-агартыла. - Биш йөз балага исәпләнгән мәктәп барлык заман таләпләрен күз уңында тотып төзелде....
Шәһәребез һәм "Лениногорскнефть" идарәсе юбилейлары уңаеннан төзелүче-ремонтланучы объектлар турында язуыбызны дәвам итәбез.
Әлеге мәктәпнең фасады ачык матур төсе белән әллә кайдан күзгә ташланып тора. Бүгенге көндә "Сарет" җәмгыяте төзүчеләре эчке эшләрне башкара: түшәм, стена, идәннәр ясалып, буяп-агартыла.
- Биш йөз балага исәпләнгән мәктәп барлык заман таләпләрен күз уңында тотып төзелде. Сыйныф бүлмәләре зур, якты коридорлар да иркен. Ике спорт залы булачак, - ди башкарма комитет җитәкчесенең инфраструктура буенча урынбасары Ольга Ключникова.
Яңа мәктәпнең, әлбәттә, мебельләре дә өр-яңа булачак. Территориясен төзекләндерү дә планлаштырыла. Хоккей кортының җирлегендәге асфальт заманча материалга алыштырыла, спорт мәйданчыклары да яңа төсмер алачак. Балаларга ял итү зонасы булдыру да күз уңында тотылган.
- Без ул мәктәп төзелешен үтеп киткәндә гел карап узабыз. Кызыбыз быел беренче сыйныфка бара, әтисе белән яшәгән урыныбызга якын булганга, 2 нче мәктәпне сайлаган идек. Ел башында ачылыр микән, дип бик икеләндек, инде хәзер бинасы күзгә күренде, 1 сентябрьгә ачылачагына шикләнмибез, ди Лилия ханым Галимова.
Ләйсән Шәрәфетдинова фотосы
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев