Сөт, икмәк, шикәр һәм кайбер яшелчәләрнең бәяләре артмаячак

Челтәрләр үзләре теләп социаль әһәмиятле 4 төркем товарга өстәмә бәяләрне чикләячәк. Алар — сөт продукциясе, икмәк-күмәч әйберләре, шикәр һәм «борщ җыелмасы» яшелчәләре. Бу хакта Россия Монополиягә каршы федераль хезмәт хәбәр итә.

Ретейлерлар сатып алучыларга мәгълүмат бирү өчен кибет киштәләрендә әлеге продуктларны «Социаль товар» тамгасы белән билгеләргә планлаштыра.

«О’Кей» һәм «Магнит» кибетләре 1 марттан, ә «Ашан» һәм «Атак» 3 марттан чикләүләр кертә.

«Россия Монополиягә каршы федераль хезмәт фикеренчә, социаль әһәмияткә ия продуктларга сәүдә бәяләрен чикләү гражданнар өчен азык-төлек товарларын алу мөмкинлеген арттырырга мөмкинлек бирәчәк. Шул ук вакытта ведомство сәүдә челтәрләре тарафыннан бәя арттыру дәрәҗәсен чикләү турындагы йөкләмәләрне кабул итү ирекле характерда булуын ассызыклый», диелә матбугат хезмәте хәбәрендә.

Социаль әһәмиятле продуктларның аерым төрләренә бәяләрне сәүдә челтәрләре тарафыннан чикләү механизмы РФ Хөкүмәтенең Россия Монополиягә каршы федераль хезмәт, Сәнәгать һәм сәүдә министрлыгы һәм Россия Федерациясе Авыл хуҗалыгы министрлыгы йөкләмәсе кысаларында эшләнде.

https://tatar-inform.tatar/news/business/01-03-2022/s-t-ikm-k-shik-r-m-kayber-yashelch-l-rne-b-yal-re-artmayachak-5850439

https://pixabay.com/