Заман сулышы

Караусыз калдырсаң – “колак кагачаксың”

Велосипед, коляскалар урлау, подвал басу очраклары көн дә булып тормаса да, очраштыра. 2012 елның җиде аенда эчке эшләр бүлегендә бер велосипед урлау очрагы теркәлгән. Ул Сугышлы авылындагы озак вакыт беркем дә яшәмәгән йорттан урлана, әлеге факт буенча җинаять эше кузгатылды. Шул чорда ике тапкыр - Шашин урамы, 41"А" һәм Садриев...

Велосипед, коляскалар урлау, подвал басу очраклары көн дә булып тормаса да, очраштыра.
2012 елның җиде аенда эчке эшләр бүлегендә бер велосипед урлау очрагы теркәлгән. Ул Сугышлы авылындагы озак вакыт беркем дә яшәмәгән йорттан урлана, әлеге факт буенча җинаять эше кузгатылды.
Шул чорда ике тапкыр - Шашин урамы, 41"А" һәм Садриев урамы, 9"А" йортлары подвал мәйданчыкларына ачкыч яратып үтеп керү очраклары теркәлгән. Икесендә дә, ремонт эшләре бару сәбәпле, подвалга керү ишеге ачык була.
Коляска һәм велосипед урлау буенча биш очракта җинаять эше кузгатмау турында карар кабул ителде.
Хөрмәтле лениногорскилылар! Мөлкәтегезнең саклыгы, иң беренче чиратта, үзегездән тора.
Әлеге төр җинаятьләрне булдырмау өчен эчке эшләр бүлегенең тәкъдимнәре түбәннән гыйбарәт:
- йортлардагы подвал мәйданчыкларына керү ишекләрен ныгытырга;
- баскыч мәйданчыкларында коляскаларны караучысыз калдырмаска;
- ата-аналарга балаларына урамда, кибет янында, ишегалдында велосипедларын караусыз калдырмаска кирәклеген, ә инде андый очрак булганда тиз арада "02" телефонына шалтыратырга кирәклеген аңлатырга кирәк.

Теги: урлау
Нравится
Поделиться:
Реклама
Комментарии (0)
Осталось символов: