Татарстан синоптиклары яшенле яңгыр һәм көчле җил булачагы турында кисәтә
(Казан, 3 июнь, “Татар-информ”). Татарстанда һәм Казанда иртәгә төнлә һәм көндез урыны белән яшенле яңгыр һәм көньяк-көнбатыштан көчле җил булачагы көтелә. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.
Республикада җил секундына 16 – 21 метрга, Казанда 18 метрга кадәр җитәчәк.
Гидрометеорология һәм әйләнә-тирә мохитне күзәтү идарәсе фаразлары буенча, иртәгә, 4 июньдә, республикада һава температурасы төнлә 7 – 12 градус булачак. Көндез 18 дән 23 градуска җитәчәк.
Күпчелек районнарда, шул исәптән Казанда да, кыска вакытлы яңгырлар булачак.
http://tatar-inform.tatar/news/2018/06/03/165230/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев