Интернет аша машина сатып алырга уйлаган татарстанлы 440 мең сум акчасыз калган

автор, 13 ноябрь 2017 - 06:22

814

Интернет аша машина сатып алырга уйлаган Чаллы кешесе 440 мең сум акчасыннан колак каккан, дип хәбәр итә Татарстан Республикасы буенча Эчке эшләр министрлыгы матбугат хезмәте. 29 яшьлек ир-ат полициягә мөрәҗәгать итеп, интернет-сайтларның берсендә автомобиль сатылуы турында бер игъланга юлыгуын әйтә. Сатучы белән элемтәгә кереп, ул әлеге машинаны сатып алырга теләге...

Интернет аша машина сатып алырга уйлаган татарстанлы 440 мең сум акчасыз калган

29 яшьлек ир-ат полициягә мөрәҗәгать итеп, интернет-сайтларның берсендә автомобиль сатылуы турында бер игъланга юлыгуын әйтә. Сатучы белән элемтәгә кереп, ул әлеге машинаны сатып алырга теләге барлыгын белдерә. Килешү шартлары буенча, ул аның банк счетына 440 мең сум акча күчерә. Шуннан соң аферист элемтәгә чыгудан туктый.

Әлеге факт буенча РФ Җинаять кодексының 159 нчы маддәсе («Мошенниклык») нигезендә җинаять эше кузгатыла. Аферистларның абонент номерлары Тула өлкәсендә теркәлүе ачыклана.

чыганак: Татар-информ

фото:https://go.mail.ru/search_images?fr=chvbm7.1.30&gp=812210&q=%D0%B8%D0%BD%D1%82%D0%B5%D1%80%D0%BD%D0%B5%D1%82%20%D0%BC%D0%BE%D1%88%D0%B5%D0%BD%D0%BD%D0%B8%D0%BA%D0%B8%20%D1%84%D0%BE%D1%82%D0%BE&frm=web#urlhash=990944014450381537

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Безнең Телеграм-каналга кушылыгыз: https://t.me/zamansulyshy