Күрше районда машина яндырганнар

22 гыйнвар көнне төнге 12 туларга 1 минут вакыт калганда, янгын күзәтчелеге бүлегенә Бөгелмә районының Берёзовка посёлогында янгын чыкканлыгы турында хәбәр итәләр.

Вакыйга урынына барып җиткән янгын сүндерүчеләр Chevrolet Lacetti һәм "ВАЗ 2114" машиналарының януын күрә. Беренчесенең салонында ут дөрләсә, икенчесенең моторлы өлеше яна. Уттан гомуми зарар күргән мәйдан 4,5 квадрат метр тәшкил итә.

Янгын чыгуның сәбәбе - милек-мөлкәтне бозу, кеше сәламәтлегенә зыян китерү максатыннан, ут төртүдә. Шул рәвешле зыян салырлык дәрәҗәдә кемнең нинди үче булганлыгын хәзер тикшерүчеләр ачыклый.

http://www.bugulma-tat.ru/