6 ай машинада яшәгән иргә фатирын кайтарачаклар

Ата белән кыз арасында ярты ел диярлек фатир өчен сугыш бара икән.

Фатир сатып алганда документлар белән аның кызы шөгыльләнгән. 57 яшьлек ир күпмедер вакыт узгач кына фатирның оныгы исемендә икәнен белгән һәм гауга куптарган. Кызы әтисенең канәгатьсезлеге белән ризалашмыйча, аны йорттан куып чыгарган. Шул мизгелдән башлап туганлык хисе эзсез югалган. Бәхетсез ата 6 ай дәвамында машинасында яшәгән, ашаган һәм юынган.
Яшел Үзәндә бу озакка сузылган вакыйганың финал утырышы узган һәм суд фатирны иргә кайтарырга карар кылган. Тик кызы бирешергә уйламый, фатир ачкычын әтисенә һаман да бирми.