Бөек Ватан сугышы ветераннарына "Фидакарь хезмәте өчен" медале тапшырылачак

Аның әйтүенчә, шушы медальне республикада 1596 кешегә тапшыру ниятләнә. Бөек Ватан сугышында гамәлдәге армия составына кермәгән 412 кеше, "Блокадалы Ленинград" билгесе белән бүләкләнгән 173 кеше, концлагерьларның балигъ булмаган 188 тоткыны исәпләнә. "Бу категория кешеләргә шушы медаль биреләчәк. Бу бүләк Татарстан территориясендә яшәүче һәм шул куркыныч елларның хатирәләрен үзендә йөртүче кешеләргә ихтирам йөзеннән тапшырыла.

Ләйлә Фазлыева медальне тапшыру озакка, Республика көненә кадәр сузылачагын әйтте. Бу барлык ветераннарның да массакүләм бәйрәм чараларына килә алмаячагы белән бәйле. Вице-премьер сүзләренчә, медальне таршыру социаль яклау стационар учреждениеләрендә, сәламәтлек саклау оешмаларында да оештырылырга мөмкин. "Бүләкләгән вакытта ветеран дәвалау оешмасында булса, анда бу мәсьәләдә теләктәшлек күрсәтелер дип уйлыйм. Без ветераннар сафының сирәгәюен аңлыйбыз, шуңа медальнең ветеранның шәхсән үзенә тапшырылуын телибез. Һәр муниципаль район бу эшкә башкарма хакимият органнарын гына түгел, волонтерларны да җәлеп итә ала", - диде Фазлыева.

http://tatar-inform.tatar/news/2018/05/03/163245/