Федотовкада яшәүче Ильиннар "Алтын туйларын" билгеләп үтте (фотолар)

Өлкәннәр һәм укытучылар көненә багышлап, Лениногорск ЗАГС бүлеге ветераннар Советы белән бергә бәйрәм кичәсе үткәрде.

ЗАГС бүлеге бинасының матур залында активист ветераннарга шәһәр ветераннар Советы рәисе Марс Исхаков белән район башкарма комитеты җитәкчесе урынбасары Владимир Друк грамоталар тапшырды. Чакырылган кунаклар арасында Бөек Ватан сугышы ветераннары, тыл эшчеләре һәм хезмәт ветераннары да бар иде.

Шул ук көнне Ильин Степан Семен улы белән Люция Владимир кызы үзләренең "Алтын туй"ларын билгеләп үттеләр. Шушы олы бәйрәмнәре белән аларны Федотовка авыл җирлеге башлыгы да, юбилярларның балалары һәм оныклары да котлады. Исәнлек-саулык, тыныч, якты тормыш телибез сезгә, кадерле ветераннар!