Лениногорск хуҗабикәләренә киңәшләр: киемнең төсен ничек яңартырга
Күп юа торгач, тукыманың төсе уңа, нәтиҗәдә, яхшы гына әйбер, әле тузмаган да килеш яраксызга әйләнә. Әмма аны рәткә кертергә дә була!
Көрән, аксыл көрән, аксыл сары төстәге күлмәкләрне юып чайкагач, берничә минутка чәй пешкән суга салып торырга була. Әмма ләкин башта күлмәкнең пута очын яки ямаулыгын тыгып карарга кирәк- төс туры киләме, юкмы? Кирәкле төсне чәйне катырак яки сыеграк итеп пешереп табарга мөмкин.
Җете кызыл һәм җете зәңгәр тукыманы чайкаганда, суга чәй содасы салсаң (1литр суга - 1 балкашык), аларның төсе җете булып озак сакланаячак.
Кара төсне яңартып җибәрер өчен, соңгы чайкауда суга бер чеметем тоз салыгыз.
Кызыл һәм зәңгәрсу әйберне чайкаганда - серкә, алсу әйберне чайкаганда, нашатырь салсагыз, төсләре тиз генә уңмас.
Төсле җеп белән чигелгән әйберне юар алдыннан 1 литрга 2 балкашык тоз кушылган суда чылатырга, бүлмә температурасында тозлы суда юарга, яхшылап киптергәч, кире ягыннан үтүкләргә кирәк.
“Юлдаш” календареннән
фото:pixabay.com
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев