Төркиягә - беренче рейс

15 сентябрьдә халыкара «Казан» аэропортыннан Төркиягә беренче чартер рейс оештырылды.

Самолет Казаннан Антальяга 16 сәгать 30 минутта очты. «Ред Вингз» авиакомпаниясенеңТу-204 бортында 214 пассажир, шул исәптән 40лап бала бар иде. «Самолеттагы 210 урынның бары икесе генә буш калды», - дип хәбәр итте аэропорты вәкиле. Шулай ук ул Казан аэропортында чартерлар очышы өчен биш авиакомпания белән слотлар килештерелүен һәм барлыгы 30 очыш буласын билгеләп үтте. Якын киләчәктә "Бигеш" аэропортыннан да рейслар ачылыр дип өметләнеп каласы килә.