Россиядә инвалид балаларның пенсияләрен бурычлар өчен алу тыелачак

Бурычларын түләтү хисабына приставлар инвалид балаларның һәм эшкә яраксыз дип табылган инвалидларның пенсияләрен алмаячак. Дәүләт Думасы мондый төзәтмәләрне беренче укылышта кабул итте.

Әлеге категория гражданнарның пенсияләрен түләтеп булмый торган керем төренә кертү тәкъдим ителә. Бу инвалид балигъ булмаган баланың һәм бурычы булган эшкә яраксыз булган инвалидның хокукларын яклаячак. Бу шулай ук аның законлы вәкиле (ата-ана, опекун, попечитель) бурычлы булган очракларга да кагыла. Бу хакта «Российская газета» хәбәр итә.

Аерым алганда, ана капиталын алучылар даирәсе шактый киңәйтелде, көмәнле хатын-кызлар һәм 17 яшькә кадәрге балалы гаиләләр өчен бердәм пособие кертелде. Моннан тыш, дүрт яшьтән узган инвалид балаларның әти-әниләре, стационарда бала белән булганда, хәзер бушлай йокы урыны һәм туклану алачак. Башка чаралар да каралган.

ЧЫГАНАК