2025 елның җәеннән ташламадан файдаланучы пенсионерлар таныклыгында QR-код барлыкка килә
Россия пенсионерларының ташламалы статусны раслау өчен QR-кодлы электрон таныклык алу мөмкинлеге барлыкка килә.
Камилләштерелгән документларны киләсе елның июленнән бирә башларга ниятлиләр. Бу хакта РИА Новости агентлыгы РФ Хезмәт һәм социаль яклау министрлыгының матбугат хезмәтенә сылтама белән хәбәр итә.
«2025 елның 1 июленнән пенсионерлар ташламалы статусны раслау өчен QR-кодлы электрон таныклык ала алачак. Шул хактагы боерык проекты иҗтимагый фикер алышуга тәкъдим ителгән», - дип белдерделәр ведомствода журналистларга.
Матбугат хезмәте мәгълүматлары буенча, пенсионерның электрон формадагы таныклыгында, кәгазь форматтагы документ өчен каралган мәҗбүри реквизитлардан тыш, QR-код та булачак. Аны «Дәүләт хезмәтләре» кушымтасы ярдәмендә күрсәтү һәм шундый форматтагы ташлама тәкъдим итүче, QR-код верификациясе технологиясеннән файдалана алучы оешмада пенсионер статусын раслау мөмкинлеге барлыкка киләчәк.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев