Лениногорск гимнастлары төбәкара турнирда алтын, көмеш медальләр яулады

Бәйгедә  Лениногорск данын 1 нче спорт мәктәбе тренеры Ольга Сучковада тәрбияләнүчеләр гимнаст кызлар яклады.

«Татнефть»  Кубогына үткәрелгән ярышларда безнең спортчылар зур уңышларга ирештеләр.  Спорт мастерлыгына кандидат программасы буенча чыгыш ясаган  Алинә Хәмәтшина турнир пьедесталының иң югары баскычына күтәрелде. Ул – 2 нче мәктәпнең 6 нчы сыйныф укучысы.

 Беренче спорт разряды программасы буенча чыгыш ясаган Виктория Храмова көмеш призга ия булды. Виктория дә шәһәрнең 2 нче мәктәбендә белем ала, ул –  5 нчы сыйныф укучысы.

Спорт мастерлыгына кандидат программасы буенча чыгыш ясаган тагын бер гимнаст кызыбыз Маргарита Леонтьева иң көчлеләр алтылыгына керде. Маргарита 6 нчы мәктәпнең 6 нчы сыйныфында укый.