Лениногорскида мөселманнар арасында узган өстәл теннисы ярышында ун район катнашты

Бу хакта «Ислам в Лениногорске» телеграм-каналы хәбәр итә.

Лениногорск мөхтәсибәте, администрация, «Татнефть» җитәкчелеге һәм Лениногорск Яшьләр эшләре, спорт идарәсе белән берлектә Татарстан мөселманнары арасында өстәл теннисы ярышы үтте. 

Әлеге чарада көчләрен сынап карарга 10 лап район килде. Алар арасында  Бөгелмә,  Азнакай, Сарман,  Лениногорск,  Уруссу,  Алабуга,  Арча,  Балтач, Әлмәт, Буа мөселманнары бар иде. 

Балтач, Алабуга, Азнакай, Лениногорск мөселманнары беренче, икенче, өченче урыннарны яуласа, Бөгелмә командасы иң югары бүләккә – кубокка ия булды.  Аларга диплом һәм кубок тапшырылды.

Җиңүчеләргә кыйммәтле призлар бирелде. Һәр катнашучыга грамота һәм истәлекле бүләк таратылды.

фотолар: https://web.telegram.org/a/#-1001536886807