Социаль ипотеканың «Яшь гаилә» программасы буенча процент ставкасы артмаячагын әйттеләр
Татарстан Президенты каршындагы Дәүләт торак фонды тарафыннан бирелә торган социаль ипотеканың «Яшь гаилә» программасы буенча ставканы 7 процент дәрәҗәсендә калдырырга исәплиләр.
Ташламалы ипотека программасының ставкасы 12 процентка кадәр күтәрелү аңа йогынты ясамый. Татарстанның Яшьләр эшләре буенча министрының беренче урынбасары Ринат Садыйков «Татар-информ» корреспондентына шул турыда белдерде.
«Федераль дәрәҗәдә расланган 12 процентлы ташламалы ставка «ДОМ.РФ» белән бәйле программаларга карый. Ә Татарстан Президенты каршындагы Дәүләт торак фонды – бу бераз башка юл. Биредә ставканы 7 процент дәрәҗәсендә саклап калу планлаштырыла», - дип билгеләп үтте ул.
Аның сүзләренчә, киләсе елга квадрат метрның бәясе артачак, шуңа күрә яшь гаиләләрнең торак сатып алу белән кызыксынуы кимергә мөмкин.
фото: https://pixabay.com/ru/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев