Лениногорскилылар үзләренең ВИЧ-статусын ачыклады

ВИЧ-инфекциягә каршы көрәшкә багышланган чараны җинаять-башкарма инспекциясенең өлкән инспекторы Альфред Насыйров үткәрде.

 «Чараның максаты — лениногорскилыларның ВИЧ-инфекция һәм „С“ гепатиты йоктыру куркынычын киметү, дәвалануга мотивация һәм сәламәтлеккә җаваплы караш, шулай ук үз хокукларын белү», — дип ассызыклады  Альфред Насыйров. 

Җинаять-башкарма инспекциясе бинасында теләге булган  һәркем аноним рәвештә «ВИЧ» һәм «С»гепатитына экспресс-тест ясата  алды. 

"Мөрәҗәгать итүчеләр белән шәхси консультацияләр барышында куркынычсыз тәртип күнекмәләренә өйрәтү үткәрелде, кайда һәм ничек учетка басарга мөмкинлеге аңлатылды. Кирәкле  мәгълүмат бирүче  буклетлар бирелде", - ди Альфред Ринатович.

 Шул исәптән җинаять-башкарма инспекциясе һәм «Халыкны гигиена өлкәсендә укыту үзәге» хезмәткәрләре, ВИЧ –инфекция таратуның гамәлдәге законнар нигезендә җаваплылык белән янавын, хөкем ителгән кешеләрнең медицина ярдәме алуга хокуклары турында  аңлатылды.