Лениногорск районыннан ерак түгел булган авариядә өч кешенең гомере өзелгән

Бөгелмә районында үлемгә китерүче юл-транспорт һәлакәте булган, дип хәбәр итәләр республика Дәүләт автоинспекциясендә.

Карабаш бистәсе янында ике «Лада» машинасы бәрелешкән.

Юл-транспорт һәлакәте нәтиҗәсендә ике йөртүче һәм Грант пассажиры алган җәрәхәтләрдән авария урынында ук һәлак булган.

Калина пассажиры төрле җәрәхәтләр белән медицина учреждениесенә озатылган.

Хәзер урында ДАИ хезмәткәрләре эшли.

фото: ЮХИДИ Лениногорск телеграм-каналыннан