Лениногорск җылылык челтәрләре предприятиесендә техник күзәтү уздырылды

Бу хакта Гостехнадзорның Лениногорск районы буенча баш дәүләт инженер-инспекторы Илнур Галимов хәбәр итә.

 “Елның көзге һәм кышкы вакыты җитү коммуналь һәм юл хуҗалыгы хезмәтләреннән җылылык комплексына, су белән тәэмин итүгә, юл-коммуналь челтәренә хезмәт күрсәткәндә көтелмәгән хәлләргә яхшы әзерлек таләп итә. Әлеге мәсьәләнең мөһимлеген исәпкә алып, Лениногорск районы Дәүләт техник күзәтчелеге хезмәте алдан расланган график нигезендә коммуналь хуҗалык предприятиеләрендә һәм юл-урам челтәренә хезмәт күрсәтүгә җәлеп ителгән оешмаларда үзйөрешле машиналарга техник тикшерү үткәрде”, - ди Гостехнадзорның баш дәүләт инженер-инспекторы.

Лениногорск җылылык челтәрләрендә техник тикшерү барышында машиналарның ОСАГО полисларын теркәү турындагы таныклыклар, тракторчы-машинист таныклыклары булуытикшерелгән һәм үзйөрешле машиналарның техник торышы бәяләнгән.

Тикшерү нәтиҗәсе техникаларның тиешле дәрәҗәдә әзерлеген күрсәткән.

фото: И.Галимовтан