Лениногорскида хәрби операциягә ярдәм итү йөзеннән хәйрия концерты узды

Узган атнада Лениногорскиның Мәдәният сараенда мәгариф хезмәткәрләре профсоюзы инициативасы белән хәйрия концерты узды. 

Сәхнәдә педагогик хезмәткәрләр, тәрбияләнүчеләр һәм чакырылган артистлар чыгыш ясады. Мәгариф хезмәткәрләре хоры һәм соло чыгышлары тамашачыларны бигрәк тә сокландырды. 

Әлеге хәйрия концертыннан 108 835 сум акча җыелган. Ул акчалар Лениногорскида махсус хәрби операциягә ярдәм итә торган “С любовью и молитвами” төркеменә тапшырылды. 

Әлеге волонтер төркемнең җитәкчесе Эльмира Уламасова Гомумроссия мәгариф профсоюзының Лениногорск территориаль оешмасы рәисе Марина Сосункевичка финанс ярдәме өчен, шулай ук гуманитар ярдәм күрсәтүне дәвам итүчеләргә зур рәхмәт белдерде. 

"Фронтка ярдәм иткән, һәрвакыт безнең белән булган барлык кешеләргә зур рәхмәт. Волонтерлар төркеменең филиаллары Ивановка мәктәбендә һәм 13нче мәктәптә дә бар. Гуманитар йөк җыюга балалар бакчалары да кушыла. Фронтка ярдәм итүчеләр, маскировка челтәре үрүчеләр, тегүчеләр, бәйләүчеләр, мендәрләр ясаучылар, чәйләр ясаучылар, гуманитар йөк җибәрүчеләрнең барысына да зур рәхмәт», - ди ул. 

Мәгариф идарәсе җитәкчесе Вагиз Санатуллин мәгариф хезмәткәрләре хоры җитәкчесе Наталья Сыркина Рәхмәт хаты тапшырды һәм очрашуда катнашучыларның барысына да рәхмәт белдерде. Гомумроссия мәгариф профсоюзының Лениногорск территориаль оешмасы рәисе Марина Сосункевич мондый чараның әһәмияткә ия булуын ассызыклады, патриотик чаралар киләчәктә дә дәвам итәр, диде.

фотолар: Лениногорск мәгариф профсоюзы сайтыннан