Мошенниклар медицина полисы турында алдый башлаган

Мошенниклар Пенсия фонды хезмәткәре исеменнән шалтырата һәм медицина полисының гамәлдә булу вакыты тәмамлануы турында хәбәр итә. Полисны озайту өчен гражданинга смс - хәбәрдән кодны әйтеп бирергә кирәк. 

Гражданин смс мәгълүматларын тапшырганнан соң, аңа янәсе «Хокук саклау органнары хезмәткәре» шалтырата, җинаятьчеләрнең Дәүләт хезмәтләре порталы аша банк счетларына керергә маташулары һәм аларны саклап калу өчен акчаларны «куркынычсыз» счетка күчерергә күндерергә тырыша. 

Исегездә тотыгыз:

- пенсия фонды хезмәткәрләре смс – хәбәрдән кодны хәбәр итүне сорамый;

- шәхси мәгълүматларыгызны өченче затларга тапшырмагыз.

Фото: Лениногорск-информ