Бензин бәяләренең кимүе 36 төбәктә теркәлгән.
Россиядә узган елның мартыннан бирле беренче тапкыр бензин арзанайды. Агымдагы елның 5 ноябреннән 10 ноябренә кадәр бу төр ягулыкның бәясе 0,2% ка – 13 тиенгә, литры өчен 65,47 сумнан 65,34 сумга кадәр кимегән, диелә Росстат мәгълүматларыннан.
АИ-92 маркалы бензин 0,2% ка арзанайды. Аның бәясе 12 тиенгә кимегән – литры 62,37дән 62,25 сумга кадәр.
Үз чиратында АИ-95 бензины шулай ук 0,2% ка арзанайды. Бәясе 14 тиенгә төшкән, литры 67,48дән 67,34 сумга кадәр.
Шул ук вакытта премиаль маркалы бензин (АИ-98 һәм югарырак) бәядә 0,2% ка арткан – 21 тиенгә, литры 87,69дан 87,90 сумга кадәр.
Дизель ягулыгы шулай ук 0,2% ка кыйммәтләнде. Аның бәясе 15 тиенгә арткан, литры 74,41 сумнан 74,56 сумга кадәр.
Бензин бәяләренең кимүе 36 төбәктә теркәлгән. Ул Брянск (-2,9%) һәм Тула (-2,0%) өлкәләрендә аеруча сизелерлек булып чыкты.
29 субъектта бензин кыйммәтләнде. Барыннан да көчлерәк, 0,9% ка, бәяләр Байкал арты краенда арткан.
Татарстанда да бензин бәясенең артуы теркәлгән, әмма ул бик аз, өч тиенгә – литры өчен 62,28 сумнан 62,31 сумга кадәр.
фото: Татар информ
Нет комментариев