Татарстанда ел ахырына кадәр тотрыклы кышкы һава торышы көтелми - метеоролог

«Метео» фаразлау үзәге җитәкчесе Александр Шувалов «Татар-информ» агентлыгына шул хакта хәбәр итте.

Аның сүзләренчә, атна башы салкын булачак, термометрның терекөмеш баганалары -8..-12 градуска, ә республиканың көнчыгышында тагын да түбәнрәк төшәчәк. Ләкин инде чәршәмбедән хәл кискен үзгәрә башлый.

«Антициклон китү белән җылы һава торышы акрынлап кире кайтачак... Пәнҗешәмбе температура 0 градус тәшкил итә, ә җомга термометр баганасы «плюс» тамгасын күрсәтә, һәм җепшек кар ява», – дип аңлатты Шувалов. Ул чәршәмбе көнне кар, җилнең тизлеге секундына 12-15 метрга кадәр көчәюе көтелә, дип өстәде.

13-14 декабрьдә тагын суытачак.

«Бу тотрыксызлык ай ахырына кадәр төгәл дәвам итәр кебек. Алга таба ничек булачагын әйтүе кыен», – дип нәтиҗә ясады синоптик.