Зәй-Каратай авылында Рамазан аеның бер көнен Коръән укуга багышладылар

Лениногорскиның "Ихлас" мәчетендә эшләп килүче "Мөслимә" клубы җитәкчесе Ләйлә ханым Гыймранова хәбәр иткәнчә, Рамазан -  Коръән уку ае. Шунлыктан Зәй-Каратай авылы мөслимәләре өченче ел рәттән Аллах китабына аерым игътибар бирәләр.

Чарага  Лениногорск мәчетеннән  Ләйлә һәм Фәния ханым да килгән иделәр. Мөслимәләр "Фатиха" сүрәсен яттан укып, кыска сүрәләрнең дөрес укылышын тикшереп карадылар. Ләйлә ханым, Фәния ханым үтемле вәгазьләр -  нәсихәтләр сөйләп, Коръән укудагы кимчелекләрне дөресләделәр. Барлык килүчеләр дә файдалы китаплар, зәм-зәм сулары белән бүләкләнделәр.

Соңыннан бергә дога кылып таралыштылар.

Чыганак: "Ислам в Лениногорске" телеграм-каналы