11нче гимназия укучылары аграр хуҗалыкта - Ялтау фермасында булды

Күптән түгел шәһәребезнең 11нче гимназиянең 6нчы сыйныф укучылары «Киләчәккә билет» Бөтенроссия проекты кысаларында райондагы эре авыл хуҗалыгы предприятиесе – «Август-Лениногорск»ның Ялтау сөтчелек-товар фермасына экскурсиягә барды.

Укучылар биредә терлекче һөнәре белән танышты. Малларны тәрбияләү, аларны ашату, азык рационы турында мәгълүматлар алдылар. Фермадагы малларның голштин-фриз токымлы булуы аларны тагын да кызыксындырды. Сораулар да бирделәр. Фермага махсус формадан керделәр.

Укучылар экскурсиядән канәгать калдылар, дип хәбәр итә гимназия сайты.