Аномаль кыш җәйдә чагылыш табачак: 2025 елдан нәрсә көтәргә?

Илнең үзәк һәм төньяк төбәкләрендә туктаусыз яңгырлар һәм көчле җил көтелә, бу чәчүлекләр өчен куркыныч тудырырга мөмкин. Көньяк төбәкләрдә, Ростов, Әстерхан һәм Волгоград өлкәләрен дә кертеп, озакка сузылган корылык фаразлана. Уралда температураның кискен үзгәрүе ихтимал, әйтик, 28°C эсселектән кинәт салкынаю һәм яшенле яңгырлар килергә мөмкин.

Климат үзгәрешләре авыл хуҗалыгында ничек чагылыш табачак?
– Экстремаль һава шартлары авыл хуҗалыгы өчен өстәмә куркыныч тудыра;
– Каты җил һәм көчле яңгырлар чәчүлекләргә зыян китерергә сәләтле;
– Корылык көнбагыш, бөртекле һәм башка культураларның уңышын киметә;
– Корткычлар саны арта.

Кар җитмәү туфрактагы дымны киметә һәм корылык куркынычын арттыра. Көзге культуралар яхшы гына үсеп китте, ләкин язгы кыраулар тотрыксыз климат зоналарында чәчүлекләргә зыян китерергә мөмкин.
 

 https://shahrikazan.ru