Лениногорскида Яңа ел бизәлеше буенча конкурс игълан иттеләр

Традиция буенча, Яңа  ел бәйрәме алдыннан предприятиеләр, оешмалар, учреждениеләр, уку йортлары, сәүдә, җәмәгать туклануы, халыкка көнкүреш хезмәте күрсәтү оешмалары, күпфатирлы һәм шәхси торак йортлар арасында  иң яхшы бәйрәм бизәлешенә смотр-конкурс игълан ителде.

Конкурс нәтиҗәләре буенча барлык номинацияләрдә дә I, II, III урыннарны алучылар билгеләнә.

Конкурста катнашуга гаризалар 25 ноябрьдән  6 декабрьгә кадәр эш көннәрендә иртәнге 8.00 дән 17.00 сәгатькә кадәр  кабул ителә: Лениногорск шәһәре, Кутузов ур., 1 йорт. 22 нче кабинет.

Белешмәләр өчен телефон: 885595 5-32-63.