Лениногорскидан яшь рәссамнар һәм аларның педагоглары Бурятиядә күргәзмәдә булып кайтты

«Мәктәп. Укытучы. Сәнгать»  XIX Бөтенроссия күргәзмәсе Бурятиядә узды. Анда Россиянең алты көллиятенең сәнгать-график бүлекләре студентлары һәм укытучылары һәм аларның эшләре катнашты.

Күргәзмәдә төрле белем бирү учреждениеләре вәкилләре катнашты, алар арасында:  «Бурятия республика педагогика көллияте», Стәрлетамак шәһәре, Башкортостан Республикасыннан  «1 нче балалар сәнгать мәктәбе», шулай ук Красноярск краеннан Енисей педколледжы, Красноуфимск шәһәреннән «Красноуфимск педагогика көллияте» , Лениногорск музыка-сәнгать педагогика көллияте, «Чита педагогика көллияте» . 

Күргәзмә кысаларында төрле чаралар үткәрелде, алар тәҗрибә уртаклашуга һәм иҗади илһамлануга ярдәм итте.

Диалог мәйданчыгы идеяләр алмашуның чын үзәгенә әверелде. Ул безнең укытучыларга  «Абилимпикс» чемпионатын уздыру тәҗрибәсе белән уртаклашырга, шулай ук катнашучыларны иҗади компетенцияләр буенча әзерләү турында фикер алышырга мөмкинлек бирде.

Лениногорск укытучылар кызыклы мастер-класслар үткәрде. Лениногорск көллияте студентларының һәм педагогларының иҗади эшләре күргәзмә комитеты тарафыннан югары бәяләнде. Алар сәнгать экспозициясендә төбәк компонентының саклануын, сәнгать техникасы һәм материалларының төрлелеген билгеләп үттеләр. 

Улан — Удэ шәһәренең төбәк архитектура һәйкәлләре белән танышу буенча мәдәни программа оештырылган, Монголия башкаласы Улан-Баторга барганнар. 

фото: ЛМХПК