Людмила Аланлы Федотовкага - туган авылы мәктәбенә очрашуга кайтты
Федотовка мәктәбендә шагыйрә Людмила Аланлы белән очрашу булды.
Чарага район һәм шәһәр мәктәпләреннән укытучылар, укучылар килгән иде.
Очрашуны Людмиланың бертуган сеңлесе, шушы мәктәптә директор урынбасары, укыттучы булып эшләүче Маргарита Степанова оештырды.
Людмила Аланлы туган мәктәбенә үз китапларын, остазларының китапларын бүләк итте. Бәйрәмдә аның шигырьләре, җырлары яңгырады. Укучылар һәм килгән кунаклар шагыйрәгә сораулар да бирделәр. Очрашу җанлы әңгәмә рәвешендә дәвам итте. Чарадан барысы да канәгать калып, күтәренке рух белән таралышканнар.
фотолар: мәктәптән
Язманы тулырак киләсе санда, "Заман сулышы" газетында укырсыз.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев