Шөгер мәктәбендә административ бүлек белгече катнашында иминлек дәресе узды

Анда Башкарма комитетның административ бүлек белгече Эльвира Кирдянова һәм Гостехнадзорның Лениногорск бүлеге инженер-инспекторы Илнур Галимов катнашты.

Иминлек дәресе 8-11 нче сыйныфлар өчен үтте.

Башкарма комитетның административ бүлек белгече Эльвира Кирдянова Лениногорск районында балалар катнашында булган юл-транспорт һәлакәтләрен анализлау юлы белән һәлакәтләрне профилактикалау турында сөйләде.

Гостехнадзорның Лениногорск районы буенча инженер-инспекторы Илнур Галимов кыскача Гостехнадзор эшчәнлеге белән таныштырды. . Аннары чыгышында А1 категориясенә караган кар-сазлыкларда йөри торган техника, әлеге категория техника белән идарә иткәндә чикләүләр һәм таләпләр турында сөйләде, шушы  транспорт чаралары катнашындагы юл-транспорт һәлакәтләре статистикасын да әйтеп узды.

«Үзеңне, якыннарыңны сакларга һәм тирә-юньдәгеләрнең тормышына, сәламәтлегенә куркыныч тудыручы гамәлләр һәм ахмаклыклар эшләмәскә» дигән девиз дәреснең төп мәгънәсе булды, - ди Илнур Галимов.

фотолар: И.Галимовтан