Таһир Шәмсуаров: Авыл бәрәңге ала

Әнә якташ шагыйрь Таһир Шәмсуаров бәрәңге алганда да шигырь иҗат иткән. Бергәләп укыйк

Авыл бәрәңге ала

Тормыш тоткасы ул җирдә,
Картларча әйтсәк сала.
Бар халык бакчада бүген
Авыл бәрәңге ала.

Көннәр чалт аяз торганда
Күңелләр канатлана.
Балачакның хыяллары
Яңара, кабатлана!

Малай чакка алып кайта
Хәтергә төшкәннәре.
Бәрәңгенең иң татлысы
Учакта пешкәннәре.

Көннәр елмаеп торганда,
Корыда аласы бар.
Киләсе язны онытма –
Чәчүгә саласы бар!

Көрәк-чиләк җырлап тора,
Зурдан быел өметләр.
Бәрәңгесез яшәп булмый
Килешегез, егетләр!

Ул ачлыктан коткаручы,
Тирәндә ята хикмәт.
Гарәбә бодайдан кала
Җирдә икенче икмәк!

Нәни ил дип атый күпләр,
Ә өлкәннәргә сала.
Бар халык бакчада бүген
Авыл бәрәңге ала.

Таһир Шәмсуаров