20нче балалар бакчасы нәниләре музейда нәрсәгә шаккатканнар?

Безнең балалар өчен бу музейга  беренче сәяхәт иде. Бина эчендә нәрсә көткәнен беркем дә белми, барыбыз да могҗиза көтә! Чөнки балалар бакчасында без Туган як, шәһәр турында, элек кешеләрнең ничек яшәүләре, районыбызда яшәүче халыкларның көнкүреше, гореф-гадәтләре турында күп сөйләштек.

Музейга кергәндә безне ачык йөзле  экскурсовод - Рәхимова Айгөл Фуат кызы каршы алды. Ул уңлаешлы формада шәһәребезнең барлыкка килү тарихын сөйләде.

Без ата-бабаларыбызның хезмәт кораллары, көнкүреш әйберләре, узган гасырда кигән киемнәре, аларны  ничек бизәгәннәре турында белдек, бу балаларда аеруча зур кызыксыну уятты.

Экскурсия тәмамланганнан соң, без экскурсоводка, музей хезмәткәрләренә  рәхмәт әйтеп  саубуллаштык. Балалар музейга барудан бик канәгать калдылар. Күргән экспонатлардан бик күп тәэсирләр калды. Без музей белән танышуны дәвам итәргә, яңадан-яңа экпозицияләргә килергә уйлыйбыз.

Лилия Афандиева, тәрбияче