Заман сулышы

Лениногорск кызы Камилә республикакүләм “Татар кызы-2022” конкурсының ярымфиналына үтте

Республикакүләм «Татар кызы – 2022» бәйгесенең зональ этаплары 5 район үзәгендә узды.

Бәйгедә татар телен камил белгән, кияүдә булмаган 18 яшьтән 27 яшькә кадәр кызлар катнаша ала.

Әлмәт районы Габдрахман авылы мәдәният йортында узган зональ этапта Лениногорск данын Камилә Хәмидуллина яклады. Биш турны уңышлы үтеп, (тәкъдим итү, иҗади, дефиле, интеллектуаль һәм аш-су), Камилә мәртәбәле конкурсның ярымфиналына үтте. Ул 3-4 июнь көннәрендә Казанда узачак.

Бәйгенең ярымфиналына узучы кызларны интеллектуаль уен, үзеңне тәкъдим итү һәм иҗади эшләр көтә. Камиләбезгә уңышлар теләп калабыз! Без синең белән Камилә!

Ул хәзерге вакытта Алабуга мәдәният һәм сәнгать көллиятендә, актер бүлегендә, 3 курста укый.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: