Лениногорск шәһәрендә истәлекле урыннар
Лениногорск шәһәрендә Нефтьчеләр монументы, Нефть музее, Габдерәхим Утыз Имәни исемендәге мемориаль комплекс, Ротонда, Кара ротонда, Шөгер авылында урнашкан нефть музее һәм башка истәлекле урыннар күп.
-
Лениногорск Нефтьчеләр монументы
Тасвирлама: Нефтьчеләр монументы - 1975 елда ачылган.
Адресы: ТР, Лениногорск, Ленин просп., 21а
-
Яңа Шөгер авылы - 1нче скважина
Тасвирлама: 1 нче скважина - Татарстанда нефть чыгаручы беренче урын.
Адресы: ТР, Лениногорск районы, Шөгер авылы
-
Тимәш авылы - 3нче скважина
Тасвирлама: 1946 елның июнь аенда Тимәш авылы мәйданында 3 нче скважинаның быраулау җайланмасын төзү турында карар кабул ителә.
Адресы: ТР, Лениногорск районы, Тимәш авылы
-
Шөгер авылы Нефть музее
Тасвирлама: Музей Шөгер авылының нефть битум заводы урынында 2015 елда оешкан.
Адресы: ТР, Лениногорск районы, Шөгер авылы, Завод ур.,7
-
Лениногорск Геройлар аллеясы
Тасвирлама: Геройлар аллеясы 1970 елда ачылган. Мемориалны ачуда Советлар Союзы Герое Самат Салах улы Садриев катнаша.
Адресы: ТР, Лениногорск, Җиңүнең 50 еллыгы ур.
-
Тимәш авылы Габдерәхим Утыз Имәни ис. мемориаль комплекс
Тасвирлама: Әлеге мәдәни-тарихи комплекс 2022 елда Тимәш авылында ачыла.
Адресы: ТР, Лениногорск районы, Тимәш авылы, Утыз Имән ур, 71а
-
Лениногорск трамплиннар комплексы «Олимпия резервы» спорт мәктәбе
Тасвирлама: Лениногорскида өч трамплин комплексы - 20, 40 һәм 70 метр биеклектә бар.
Адресы: ТР, Лениногорск, Лыжная ур., 25
-
Лениногорск Балериналар фонтаны
Тасвирлама: Кызганычка каршы, әлеге истәлекле урынның төзелү вакыты һәм тарихы турында мәгълүмат сакланып калмаган.
Адресы: ТР, Лениногорск, Ленин просп., 29
-
Лениногорск - Ротонда
Тасвирлама: Ротонда - 1958 елда архитектор В. Бельский проекты буенча төзелгән.
Адресы: ТР, Лениногорск, М.Горький исемендәге урман һәм ял паркы
-
Лениногорск Кара ротонда
Тасвирлама: Кара ротонда, шулай ук, М.Горький исемендәге паркта урнашкан.
Адресы: Россия, ТР, Лениногорск, Школьная-Җиңү урамнары киселеше
-
Лениногорск Легенда чишмәсе
Тасвирлама: «Легенда» чишмәсен лениногорскилылар икенче төрле - «Пушка» дип атый.
Адресы: ТР, Лениногорск, Лыжная ур.
-
Лениногорск Ихлас мәчете
Тасвирлама: Мәчет тарихына күз салсак, аңа нигез 1992 елда салынган. Лениногорскида яшәүче җирле кешеләр аңа нигез салу өчен акча җыйган булган. Ләкин 2006 елда гына ул төзелеп бетеп, бүгенге көндә шәһәрнең йөзек кашы булып тора. Шәһәр һәм район буенча имам-мөхтәсиб вазифасын Булат хәзрәт Раупов башкара.
Адресы: ТР, Лениногорск, Набережная ур., 26а
-
Лениногорск Хәрби дан аллеясы
Тасвирлама: Хәрби дан аллеясы 2016 елда ачыла.
Адресы: 423259, ТР, Лениногорск, Җиңүнең 50 еллыгы ур.
-
Лениногорск Нефть музее
Тасвирлама: Нефть музее 1637 елдан алып бүгенге көнгә кадәр чорны үз эченә алган тарихны саклый.
Адресы: ТР, Лениногорск, Ленин пр.,3
Лениногорск шәһәрендә 30дан артык истәлекле урын исәпләнә. Аларның һәрберсе үзенчәлекле.
Нефтьчеләр монументы - 1975 елда төзелгән. Лениногорск шәһәренең төп истәлекле урыннарның берсе булып тора. Аның биеклеге 33 метр. Монумент геологларның, быраулаучыларның, нефть чыгаручыларның һәм, гомумән, Татарстанның нефть тармагы башлангычында торган барлык кешеләрнең хезмәт батырлыгын мәңгеләштереп тора.
Яңа Шөгер авылында урнашкан 1нче скважина – Татарстанда нефть чыгаручы беренче урын. Скважинаны бораулау 1941 елның 6 июнендә башлана. Ике елдан соң скважина нефть бирә башлый. Бораулау эшләре мастер Г.Х. Хәмидуллин бригадасы тарафыннан үткәрелә. Бөек Ватан сугышы елларына туры килү сәбәпле, хатын-кызларны да эшкә алалар, эшләренең иң авыры алар җилкәсенә төшә. Бүгенге көндә 35 мең тоннадан артык нефть чыгарылган. Скважина бүген дә эшли. Нефтьне беренче булып ачучылар истәлегенә скважина янында обелиск та урнаштырылган. Беренче стела 1981 елда куелган булса, 2015 елда, «Лениногорскнефть» идарәсенең 70 еллыгы уңаеннан мемориаль комплекс яңартылган. Бу урын - истәлекле урын булып тора. Ел саен «Татнефть» компаниясе ветераннары һәм кунаклары килеп «Өч буын очрашулары» оештырыла.
Тимәш авылында урнашкан 3нче скважинадан 1948 елның июлендә көненә 124 тонна чиста нефть чыгарыла башлый. 1946 елның июнь аенда Тимәш авылы мәйданында 3 нче скважинаның быраулау җайланмасын төзү турында карар кабул ителә. 1948 елның 31 маенда скважинаны казу тәмамлана. 1948 елның июлендә көненә 124 тонна чиста нефть чыгарыла башлый. Шулай итеп, Тимәш авылында чыгарылган нефть илебезнең сәнәгате үсешен билгели.
Шөгер авылында урнашкан нефть музее – Шөгер авылының нефть битум заводы урынында 2015 елда оешкан. Майданы: территориясе 145 000 м2, биналары: 1 534 м2. 2021 елда Рәис Рөстәм Миңнеханов тәкъдиме буенча яңа экспозиция төзелә. Бүгенге көндә музей экспозицияләре түбәндәге юнәлешләрне чагылдыра: нефтьне борынгыдан бүгенге көнгә кадәр куллану, Шөгер нефть битумы заводы тарихы, нефть технологияләрен үстерү, нефть табылган җирле халыкның яшәү рәвеше һәм көнкүреше, «Татнефть» компаниясенең социаль җаваплылыгы. Нефть музее комплексы — республиканың тарихи-мәдәни истәлекле урыннары исемлегенә керде. 2021 елда музей Санкт–Петербургта Бөтенроссия корпоратив музейлар конкурсында тәкъдим ителде һәм профессиональ экспертларның иң югары бәясен алды. «Татнефть» ААҖ нефть музее Гран–прига лаек булды һәм илнең «Иң яхшы корпоратив музее» дип танылды.
