Эремчекле грушалы шарлотка рецепты

Кемнәр төрлелек ярата, камырга эремчек кушарга мөмкин. Алма урынына груша да салырга була.

150 грамм шикәр комы, 4 йомырка, чеметем тоз салып миксер белән күпертергә. Шул массага 300 грамм эремчек, 150 грамм атланмай өстәргә һәм миксер белән болгатырга. Аннары чама белән он һәм 1 кап камыр көпшәкләндергеч салып, кашык белән болгатырга.

Мин камырны куерак ясыйм һәм табага салгач кашык белән тигезлим.

Аннары камырга телемләп киселгән груша батырып чыгарга.

180 градуска кадәр кызган духовкада 40 минут чамасы пешерергә.

Әзер шарлотканы кисәргә һәм өстенә шикәр оны (сахарная пудра) сибәргә.

Чәйләрегез тәмле булсын!

Чыганак: ИНТЕРТАТ

 http://arskmedia.ru