Кишерле кекс
Кишернең файдасы турында күптән түгел язган идек. Ә хәзер кишер белән кекс пешерү рецептын тәкъдим итәбез.
12 кекс пешерү өчен 1 стакан он, 0,5 стакан көрән шикәр комы (агы да бара), 1 пакет камыр көпшәкләгеч, 3 йомырка, 3 чәй кашыгы бал, 2 стакан эре угычтан чыгарылган кишер, 1 чәй кашыгы корица, 0,5 стакан йөзем, 0,5 стакан мүк җиләге, 0,5 стакан әстерхан чикләвеге, 0,5 стакан үсемлек мае (майны 0,5 стакан алма пюресына алмаштырырга мөмкин) кирәк була.
Духовканы 180 градуска кадәр җылытырга.
Онны камыр көпшәкләгеч, корица белән бутарга. Чикләвекләрне вакларга.
Йомырка белән шикәр комын кабартырга. Шуңа кишер, йөзем, мүк җиләге, чикләвек, май яисә алма пюресын өстәргә. Яхшылап бутарга.
Катнашмага онны аз-азлап кушып, камыр ясарга. Камыр куе булмаска тиеш.
Аны формаларга салып, духовкага куярга. Кишерле кекслар 30-35 минут эчендә пешә.
Фото: Лениногорск-информ
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев