Кышка укроп әзерләдегезме әле?

Күпләр укропны турап, туңдыргычта саклый. Кышын аш-су пешергәндә ул үзенчәлекле тәм бирә, ризыкның төсен матурлый. Укропны җиңел генә киптерергә дә була. Моның өчен тәлинкә өстенә кәгазь салфетка салыгыз, аның өстенә яңа гына җыеп юылган укроп салыгыз. Өстенә тагын бер кат салфетка каплагыз.

Арытаба тәлинкәне микродулкын миченә куеп, 5 минут кыздырыгыз. Укроп янына стакан белән су куйсагыз, яшелчәнең төсе дә үзгәрми. Кипкән укропны учта уарга гына кирәк, ул шунда ук ваклана.

Шул рәвешле башка тәмләткечләрне дә киптерергә мөмкин. Әмма киптерү өчен вакытны төрлечә күрсәтергә кирәк. Суган кыягы, мәсәлән, озаграк кибә.

http://maydan.tatar/kyshka-ukrop-ezerledegezme-ele/

https://photo.tatar-inform.ru/