Керкәле борчаклары Дубайга китте
Экспорт продукциясе
Районыбыздагы авыл хуҗалыгы предприятиесе – «Август-Лениногорск» агрофирмасы продукциясе беренче мәртәбә экспорт килешүе кысаларында Берләшкән Гарәп Әмирлекләренә җибәрелде.
«Керкәле» икмәк кабул итү пунктыннан 500 тонна борчак автотранспорт белән озатылган. Продукция Новороссийскка кадәр барып җитәчәк, ә аннары контейнерларда диңгез юлы белән Дубайдагы Джебель Али портына кадәр бара.
Узган елгы сезонда «Август-Лениногорск» агрофирмасы 4 мең тоннадан артык борчак үстергән. Предприятиенең авыл хуҗалыгы продукциясенең гомуми күләме 82 мең тонна тәшкил итә.
Билгеле булганча, «Август-Лениногорск» районда шактый кырларны эшкәртә.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев